Македонија е Бугарска – Нова провокација од националистите на Каракачанов. Транспарент со ваква содржина истакнале утрово за време на одбележувањето на 107-годишнината од Илинденското востание во Благоевград.
Лидерот на ВМРО-БНД за А1 вели дека е зачуден што македонските медиуми и општество се шокираат од нешто што е факт. „Нормалниот Бугарин кој не е оптоварен со некакви глупости за Александар Македонски, некаква античка македонска нација и слични изопачени работи, нормално е секој Бугарин во слободна Бугарија да ја смета Македонија за дел од бугарското национално пространство. Вистината е дека по илинденското востание 60 илјади бегалци, емигранти, не бегаа во Србија, не бегаа во Грција, во САД или Германија, туку бегаа во Бугарија, бидејќи ја чувствуваа Бугарија за своја татковина“, рече Каракачанов.
ВМРО-БНД денеска низ цела Пирин го одбележува Илинденското востание, кое според Каракачанов е најголемото на бугарскиот народ. Стојко Стојков, Лидерот на ОМО Илинден Пирин, за А1 вели дека Македонците во Бугарија се веќе навикнати на провокациите од партијата на Каракачанов.
„Она што е понепријатно не е она што го напишале некои екстремисти, понепријатно е што во бугарското општество, а посебно во националистичките кругови, оваа провокација, ова тврдење дека Македонија е бугарска се чини дека е многу сериозно и како некоја вистина и како нешто што треба да се оствари во иднина.
– Мислам дека тоа е опасно, бидејќи е едно настроение кое што во иднина може да создаде многу проблеми меѓу Македонија и Бугарија и е нешто против кое и двете држави треба да работат“, вели Стојков.Стојков смета дека денешниот последен инцидент ВМРО-БНД го исценирала поради тоа што е целосно политички маргинализирана во Бугарија и на овој начин се обидува да си поврати дел од рејтингот.
01.08.2010Текст и видео: http://www.a1.com.mk/vesti/default.aspx?VestID=125930
Телевизия А1, Скопие: Каракачанов: Секој нормален Бугарин ја смета Македонија за своја
СВЪРЗАНИ СТАТИИ
